Leikskólinn Bakkaberg

Leikskólinn Bakkaberg hefur tvær starfsstöðvar, annarsvegar er það Bakki að Bakkastöðum 77 í Grafarvogi og hinsvegar Berg við Kléberg á Kjalarnesi.

Báðar stöðvarnar eru litlar og heimilislegar og staðsettar í miðjum náttúruparadísum þar sem meðal annars er stutt í fjöruna, mikil fjallasýn og fjölskrúðugt fuglalíf. Í samræmi við það er lögð áhersla á umhverfismennt og útinám, ásamt auðugu málumhverfi. Út frá staðsetningu og upplifun á umhverfinu leggjum við áherslu á að endurspegla kyrrðina og notalegheitin sem eru allt í kring. Við viljum hafa rólegt og heimilislegt andrúmsloft, þannig að öllum finnist notalegt að koma til okkar, hvort sem er í lengri eða skemmri tíma.

Á Bakkabergi er stór hópur af ungum vísindamönnum á aldrinum eins til sex ára. Helstu einkenni hópsins eru lífsgleði, forvitni og áhugi. Við erum einnig með glæsilegan starfsmannahóp sem heldur vel utan um allan leikskólann. Við erum mjög stolt af starfinu okkar, öllum leikskólanum og því umhverfi sem við erum í. Leiðarljósin okkar eru; leikur - samvinna - virðing, þau eiga að einkenna allt okkar starf.

Á Bakka eru þrjár deildir sem heita Þerneyjarstofa, Viðeyjarstofa og Lundeyjarstofa. Á Bergi eru tvær deildir sem heita Dvergasteinn og Álfasteinn.

Leikskólinn Bakkaberg:

  • Bakki
    • Bakkastöðum 77, 112 Reykjavík
    • Sími: 557 9270
    • Netfang: This e-mail address is being protected from spambots. You need JavaScript enabled to view it.
  • Berg
    • Við Kléberg, 116 Reykjavík
    • Sími: 566 6039
    • Netfang: This e-mail address is being protected from spambots. You need JavaScript enabled to view it.s
    Edda Margrét Jensdóttir leikskólastjóri
    • Gsm: 
    • Netfang: edda.margret.jensdottir@This e-mail address is being protected from spambots. You need JavaScript enabled to view it.s